Outro día
Inquedas mans rozan a superficie da pel,
movementos ondulantes acéndense na escuridade.
Berros,
ardentes sorrisos.
Máis berros,
soan latexos.
Luxuria rítmica,
beizos salgados,
cremosas apertas entre suspiros de emoción,
xigantesco iris nos teus verdes ollos.
E berro na penumbra resplandecente
convertida en transparentes agarimos.
E ledas bágoas humedecen a miña almofada
na susurrante alba dos meus soños.
Arrecendosa paixón que escorrega polas miñas costas.
Tranquilidade.
Repouso.
Calma.
Cómplices olladas.
Aloumiñanos o silencio
e as sabas da felicidade envólvennos
nas suas suxerentes enrugas.
E durmo no teu colo
onde a vacilante suor
pasará polas miñas meixelas.
Aparece unha pregunta no aire:
¿qué pasará mañá?
E unha resposta surxe:
Mañá será outro día.
brujilla(1998)
0 comentarios:
Publicar un comentario